TË PËRGËZOJ PËR GUXIMIN QYTETAR PËR TË THËNË TË VËRTETËN EDHE KUR AJO TË DËMTON E RREZIKON
‘’… atyre që pendohen, që përmirësohen dhe që u shpjegojnë njerëzve (të vërtetën), të tillëve ua pranoj pendimin…’’- Kur’an : 2 : 160
I nderuar zotëri Bllaca,
Jemi kolegë nga profesioni. Edhe unë kam punuar një kohë, për shtatë vite, mësues i gjuhës shqipe në vendlindjen time. Rrethanat historike më detyruan që edhe unë të largohem nga Kosova si shumë të tjerë në fillim të vitit 1990.
Siç dihet, i nderuar koleg, jeta njeriun e shoshitë në sprova të ndryshme. Sukeseset dhe mossukseset janë vëllezër të një nëne. Nuk ka njeri që nuk e shijon ëmbëlsinë e suksesit dhe pelimin e mossuksesit. Ne duhet të jemi të vetëdijshëm se nuk ka njeri në botë pa gabime dhe të meta. Vetëm i Madhi Zot, Krijuesi i Vetëm, Sunduesi, Furnizuesi dhe i Adhurueari i të gjitha krijesave, është i pa të meta dhe pa gabime.
Duhet t’a falenderosh All-llahun e Lartësuar që t’a kthjelloi mendjen duke të udhëzuar që të meditosh dhe të reflektosh për punën tënde dhe të kolegëve tuaj, kur ishit nën komanden e ‘’kryepehlivanave’’ të Nanosit. Vetëm mëshira e Zotit të Plotfuqishëm ta mundësoi që të kuptosh se me ty dhe kolegët tuaj të luftës kanë manipuluar ‘’pehlivanat’’ e Nanosit dhe ‘’fatosat’’ e Enverit, të cilët nuk kishin qëllim çlirimin e Kosovës, as dënimin e bashkëpuntorëve të okupatorit siç ju manipulonin -sepse me ta është dashur të merren organet e drejtësisë pas çlirimit të Kosovës, por kishin qëllim parësor likuidimin e kundërshtarëve të tyre politikë në mënyrë që t’i eliminonin të gjitha pengesat për t’u bërë pronarë të Kosovës dhe të qytetarëve të saj, siç edhe u bënë.
Se nuk e kishin qëllim dënimin e ‘’bashkëpunëtorëve’’ të Serbisë, dëshmojnë faktet. Dihet se në Sekretariatin e Punëve të Brendshme të Kosovës kanë punuar me qindra shqiptarë. Me siguri të gjithë nuk duhet e as nuk mund të futen në ‘’një thes’’. Prej tyre, pa gjykim janë vra Selim Brosha dhe Ibush Kllokoqi. Gabim dhe krim i rëndë dhe humbje e madhe për Sigurinë e Kosovës. Shtrohet pyetja : pse kryepehlivanët e Nanosit dhan urdhër të vrahen këta puntorë të Sigurimit serbo-jugosllav. Me siguri po të ishin marrë parasyesh interesat e Kosovës, këta ekspertë të Sigurimit serbo-jugosllav do të ruheshin prej çdo rreziku dhe do t’u sigurohej jeta. Kështu, ata, jo vetëm që do të ndihmonin shumë për ndërtimin e Sigurimit të Kosovës, por do të zbulonin pothuajse të gjitha çerdhet e Sigurimit serbo-jugosllav në Kosovë, me çka do t’a ndihmonin shumë sigurinë e Kosovës prej spiunëve serbo-jugosllav, dhe kështu do të shlyenin shumë gjynahe të punës së mëherëshme të bërë në dobi të okupatorit.
Është më se e sigurt se urdhëruesit e krimit, ata që dhanë urdhërin për vrasjen e tyre, kanë qenë spiuj të Sebisë, me grada edhe më të larta se të Ibush Kllokoqit dhe të Selim Broshës. Pra vrasja e tyre është bërë që spiunët serbo-jugosllav që kanë luajtur rol të rëndësishëm në Shtabin e Xhavit Halitit, të ashtuquajturin SHP i UÇK-së dhe në Drejtorinë Politike të Hashim Thaçit, në mënyrë që, edhe më tutje të mbeteshin të pa zbuluar dhe të vazhdonin edhe më tutje të punonin për interesat serbe në Kosovën e çliruar.
A nuk ishin ata, të cilët i njeh ti dhe tashmë i njeh e gjithë Kosova që penguan krijimin e një Fronti të përbashkët për t’a luftuar okupatorin me të gjitha forcat që i kishte populli ynë?!
Siç dihet populli ynë i fali gjaçet duke ditur se beteja vendimtare me okupatorin po afrohet. Ndërsa kjo dorë e zgjatur e shkaut bënte përçarje ndërshqiptare dhe ndërvëllazërore, duke i luftuar institicionet shtetrore (dhe barësit e tyre) që i formoi populli ynë me sakrifica të mdha.
A nuk ishin ‘’kryepehlivanët’’ e Nanaosit dhe ‘’fatosat’ e Enverit ata që nuk pranuan të krijohej një qeveri e Kosovës që do të përfaqësonte të gjitha subjektet politike dhe ushtarake, ashtu siç edhe kërkonin miqtë e popullit tanë në krye me diplomatët e shquar të SHBA-së ?!
A nuk ishin plangëprishësit e Kosovës, ata, që e prishën Marrëveshjen e Oslos të arritur mes Adem Demaçit dhe Ahmet Krasniqit për bashkimin e faktorit ushtarak të Republikës së Kosovës në një qendër komanduese duke i formuar Forcat e Armatosura të Republikës së Kosovës (FARK-un) ?!
A nuk ishin kryekriminelët e Kosovës, ata të cilët dhanë urdhër për t’a pushkatuar në qendër të Tiranës bashkëveprimtarin e Metush Kraniqit, nipin e atdhetarit të shquar Aziz Zhilivodës, ushtarakun dhe strategun më të aft që e kishte kombi shqiptar, Ministrin e Mbrojtjes në Qeverinë e Bukoshit – kolonel Ahmet Krasniqin ?!
Po, ata ishin dora e zgjatur e ‘’Cërna rukës’’ Serbe, të cilët, për ta marrë pushtetin mbi shqiptarët e Kosovës, vranë veprimtarë të shquar të Kosovës dhe të LDK-së siç ishin: gazetari dhe zëdhënësi i parë i UÇK-së Ali Uka, pastaj Haki Ymeri, Enver Maloku, Xhemajl Mustafa, Ismet Rreci, Shaban Manaj, Xhevdet Makolli, Rexhep Luci, Ekrem Rexha-komandant ‘’Drini’’, Tahir Zemaj me të birin e mitur dhe nipin Hasan Zemaj, Ukë Bytyqi, Smajl Hajdaraj, Besim Dajaku, Bekim Kastrati, Bardhyl Ajeti , Shefki Popova, etj, dhe, në përpjekje për t’ua shuar jetën, i plagosën: Gani Gecin, Fetah Rudin, Agim Veliun, Ejup Visokën, Shkëlzen Hysenin , Sejdi Kocin, etj, etj.
A nuk ishin kokëkrisurit e Kosovës ata të cilët, edhe pse i luti (personaliteti numër dy i SHBA-ve) zonja Olbrajt tri ditë rresht për t’a nënshkruar Marrëveshtjen e Rambujesë (variantin e parë), që parashihte mbajtjen e referendumit në Kosovë pas tri vitesh për përcaktimin e statusit politik të saj, nuk e nënshkruan duke i dhënë kështu kohë Serbisë për t’a mbushur Kosovën me ushtarë e paramilitarë dhe armatim të rëndë, ndërsa diplomacisë ndërkombëtare i dhanë shkas që të ndryshojë variantin e parë të Marrvëshjes së Rambujesë, sipas të cilës më nuk parashihej të mbahej kurrëfar referendumi në Kosovë ?!
A nuk ishin ‘’pehlivanët’’ e Nanosit dhe ‘’fatosat’’ e Enverit ata që e thyen Marrëveshjen e Rambujesë për krijimin e një Qeverie të përbashkët nga të gjitha subjektet politike të Kosovës kur në Tiranë formuar qeverinë e LPK-së, pa u konsultuar me askend nga subjektet e Kosovës, mu në momentet më kritike që i përjetonte populli ynë dhe në kohën e drames së përgjakëshme e poshtruese e cila bëhej edhe permes pastrimit etnik të Kosovës ?!
A nuk ishte vet dora e zgjatur e Serbisë ajo kur, nëpërmjet ‘’pehlivanëve’’ të Nanosit, e krijuan SHIK-un e LPK-së, me qëllim të likvidimit të kundërshtarëve të tyre politik. Dhe a nuk e treguan fëtyrën e tyre të vertetë se ishin pjellë shkau, kur e ringjallën sistemin e UDB-së jugosllave në Kosovë menjëherë sapo që SHIK-u i tyre u instalua në Prishtinën e çliruar ?!
A nuk ishin plangprishësit e Kosovës ata që ua lanë Mitrovicen përtej Ibri dhe Kosovën Veriore kriminelëve serb për t’a qeverisur vetëm për hatër të popave serb, por edhe për hatër të grazhdit të tyre që, dy palët ’’në konflikt’’, të bëhen pasanikë të Kosovës dhe të Serbisë ?!
A nuk janë rrahagjoksat e e Kosovës ata që, me veprimtarinë e tyre kriminele dhe mafioze që nga dita e kthimit nga plazhet e Durrësit në Kosovën e çliruar nga NATO-ja dhe ushtarët trima të UÇK-së, i dhanë kredibilitet propagandes dhe gënjeshtrave serbe se ‘’shqiptarët nuk janë popull shtetformues’’ dhe ‘’nuk dinë të bëjnë shtet ligjor’’, duke i vrarë kundërshtarët e tyre politik e duke përvehtësuar pasuri të huaj dhe shoqërore, pra duke e rjepur Kosovën martire në mënyrën më mizore ?!
A nuk ishin vazalët e rrahagjoksave të Kosovës ata, që nuk kishin kurrëfar pasurie para lufte, pra ishin proletarë të ‘’pa gojë’’, të ‘’pa sy’’ e të ‘’pa mend’’ të cilët shumë shpejtë u bënë së bashku me ‘’pehlivanët’’e Nanosit dhe ‘’fatosat’’ e Enverit pasanikë shumë të fuqishëm të Kosovës ?!
A nuk janë rrahagjoksat e Kosovës ata që me plot gurmazin lavdërohen se ata ishin ‘’çlirimtarët’’ e Kosovës, (edhe pse faktet e thonë të të kundërtën e atyre që ata flasin) se vetëm ata janë të ‘’merituarit’’ për t’a qeverisur Kosovën. A nuk është qeverisja e tyre ajo që shkretoi Kosovën e gjorë, kur i mbyllën ndërrmarrjet në të cilat më parë punonin me mijëra qytetarë, dhe, edhepse ishin të pa dëmtuara nga lufta pasi i shkatërruan, i ‘’blenë’’ me shuma qesharake ?! Madje, këto para ju patën ardhë me thasë nga diaspora, në emër të ndihmës së UÇK-së.
A nuk po pasurohen ata dhe argatët e tyre edhe me tendere, me ‘’privatizimin’’ e pasurisë shoqërore dhe me forma tjera mafioze permes shtetit mafioz ?!
A nuk e rjepën 100 fish më shumë Kosovën se sa kukullat e Beogradit të cilët e sundonin Kosovën që nga epoka e Ali Shukriut e deri në epokën e Azem Vllasit ?!
A nuk janë xhambazët politik dhe mafiozët e Kosovës ata që, shumicën e ushtarëve të UÇK-së, fëmijët dhe familjet e dëshmorve dhe të martirve të Kosovës, i lanë pa përkrahje të mjaftueshme, madje pa asnjë përkrahje institucionale ?!
Po pensionistët e gjorë a nuk i poshtruan në mënyrën më të turpshme e të pamëshirshme ?!
Për arsimin dhe shëndetësinë, të mos flasim. Edhe okupatori nuk kish ditë t’ia humbë vlerën më shumë se këta plangprishës të Kosovës.
A nuk janë ‘’pehlivanët’’e Nanosit dhe’’fatosat’’ e Enverit ata që ia vranë shqiptarëve të Kosovë atë më të shtrejten dhe më të dashuren që e kishin –LIRINË ?!
Po, ua vranë ATË – ‘’Nusen me duvak të bardhë’’- LIRINË e shumëpritur. Liria do të duhej t’u sillte të mirat e saj të gjithë qytetarëve pa dallim në mënyrë që ata të gëzonin liri, drejtësi e më shumë të mira në sofër – duke ndarë të mirat shoqërore së bashku e me drejtësi – e jo për të pasur në njërën anë të uritur, e në anën tjetër mafiozë, hajna, përvetësues të pasurisë shoqërore të cilët, edhe pse nuk ia dinë skajin pasurisë, pa pikë mëshire ia marrin popullit bukën nga goja.
I nderuar koleg Nazim,
Nuk ka dyshim se me vepra treguat se keni guximin qytetar për t’a thënë të vërtetën edhe atëherë kur ajo e vërtetë të dëmton e të rrezikon shumë, virtyrt ky që pak njerëz e kanë. U treguat po ashtu se jeni i sinçertë dhe keni dinjitet njerëzor e kombëtar, duke vendosur që botërisht t’a zbuloni një periudhë të veprimtarisë sate destruktive, që hudhi baltë mbi UÇK-në dhe trashigiminë tonë kombëtare.
Po sa u binde, me ndihmën e Zotit të Plotfuqishëm, se ishe i manipuluar nga dora e zgjatur Serbe, botërisht e pranove fajin dhe u pendove, sepse i Madhi Zot t’a kthelloi mendjen për të kuptuar se nuk ishte zakon shqiptari po ishte zakon i « Cërna ruka » serbe që të vrahet njeriu pa gjyq, të vrahet njeriu pas shpine e tradhtisht, apo në mënyra tjera mizore, duke mos i treguar familjes së tij se pse u vra dhe kush e vrau.
Po, i nderuar koleg Nazim, u tregove se je edhe atdhetar, kur u bëre me vetëdëshirë ushtar i Ushtrisë Çlirimtare të Kosovës, duke qenë plotësisht i bindur se edhe eprorët tuaj i kanë të njëjtat qëllime : çlirimin e Kosovës dhe Viseve tjera shqiptare. Me siguri që anjëherë nuk ke menduar se pasi që të përfundonte lufta do të fitonit pozita udhëheqëse dhe as të bëheni pasanik i Kosovës së çliruar, duke e keqpërdorë uniformën e UÇK-së, sikurse që shumë ‘’pehlivana’’të Nanosit dhe ‘’fatosa’’ të Enverit e keqpërdorën.
Sot çdo kush që i ka dy kokrra mend e ka të çartë se ata burra, djemë e vasha që e kishin marrë armën për t’a çliruar Kosovën dhe Viset tjera shqiptare dhe nuk patën qëllime tjera e as të përfitimit personal, u vranë, mbetën invalid lufte apo të pa punë, me një përkrahje simbolike apo pa asnjë përkrahje institicionale.
Po ashtu, është shumë e qartë se ata që e veshën uniformen e UÇK-së për të zënë poste udhëheqëse dhe për t’u bërë pasanikë të Kosovës, nuk e urrenin kryekasapin e Ballkanit më tepër se presidentin e Kosovës dr. Ibrahim Rugovën dhe veprimtarët e LDK-së dhe të Kosovës. Pra angazhimi i tyre ishte special. Ishin të shkathtë për t’i manipuluar, diferencuar dhe mashtruar njerëzit, veçanrisht ushtarët idéalistë. Kush nuk ishte me ta ishte ‘’tradhtar’’ e ‘’bashkëpuntor’’ i okupatorit. Krijuan SHIK-un, Policinë Sekrete, ‘’Beretat e Kuqe’’ ‘’Këmishëzinjtë’’, jo për t’a luftuar okupatorin, por për t’a luftuar LDK-në dhe presidentin Rugova.
Pra, në këto rrethana, ushtari i UÇK-së, nuk ka pasur tjera informata përpos atyre që ua jepnin eprorët e tyre. Dihet se në çdo ushtri eprori komandon dhe jep urdhëra e ushtari i kryn urdhërat. Siç dihet Nazimin e caktuan ushtar të një njësiti special për shantazhime, kërrcnime, përgaditjen dhe kryerjen e ekzekutimeve e atentateve ndaj ‘’armiqve’’ të tyre të cilët, në vend se t’i shihnin te okupatori ata po i shihnin dhe po i gjenin te veprimtarët e dalluar të Kosovës dhe të LDK-së. Por, atëherë, Nazimi nuk ishte i vetëdijshëm se po punonte në shërbim të Serbisë – e jo në shërbim të Kosovës dhe të UÇK-së.
Bëri Nazimi përgaditje për atentate dhe njërin prej tyre e realizoj.
U bë dorasës.
Eprorët e tij e lavdëruan, e përgëzuan, duke qenë të bindur se tani e kanë bërë robot ‘’pa gojë’’, ‘’pa mend’’ dhe ‘’pa sy’’, sepse do ta shantazhonin në mënyra të ndryshme mafioze po qe se nuk bëhet i dëgjueshëm për atentate tjera. Dashti Zoti dhe u mashtruan. Nuk iu doli ashtu si mendonin. Zotëri Nazimi nuk ka frig ta thotë të vërteten.
Edhe ish ushtarët e UçK-së, zotërinjët Miftari dhe Hoti e kanë kuptuar se ishin të manipuluar, të mashtruar dhe të tradhtuar nga’’kryepehlivanët’’ e Nanosit, prandaj po e thonë të vërteten edhe pse ajo është e hidhur. Kjo dëshmon se ushtarët trima, më tepër e done të vërteten se sa vetveten. Duhet përgëzuar dhe përkrahur, sepse faji i pranuar sipas Kanunit dhe ligjit të shtetit ligjor, zvoglohet dhe falet.
Me siguri, po qe se ia duan të mirën Kosovës, do të flasin edhe shumë ushtarë trima të UÇK-së, të cilët, gjithashtu, u manipuluan dhe u tradhtuan nga eprorët e tyre kriminelë duke i urdhëruar të bëjnë krime. Po ata do të flasin sepse nuk duan që argati i bërë Kosovës dhe UÇK-së të ju shkojë huq, duke i mshefur urdhëruesit e krimit ngaqë ata janë përgjegjës e jo ushtarët që kanë qenë të detyruar t’i kryejn urdhërat.
Dhe sigurisht që ata do të flasin edhe për faktin se duhet t’ua duanë të mirën pasardhësve të tyre, në mënyrë që edhe ata të mos pësojnë nga kjo farë e keqe ’’ruse’’, tashmë të veshur me petk pushtetarësh të pa dijshëm, injorantësh, hajnash dhe kriminerlësh të llojllojshëm.
Po, u bë mirë që Nazim Bllaca e kuptoj, edhe pse vonë, se eprorët e tij me veprimtarinë e tyre kriminele dhe mafioze e dëmtuan dhe e keqpërdorën gjakun e dëshmorve tanë në mënyrën më të ligë dhe më të poshtër, duke i ndihmuar Serbisë në propagandën e saj për t’a bindur faktorin ndërkombëtarë me kopallat bajate serbe se ‘’shqiptarët nuk janë popull shtetformues’’, se janë ‘’hajna’ dhe ‘’mafiozë’’, se janë ‘’destabilizues’’ e jo ndërtues, duke e bërë kështu Kosovën martire pikën më të zezë në globin tokësor.
Ky soj i profiterve dhe kriminelëve të llojllojshëm e bënë të njohur Kosovën e martirizuar anekënd botë qendër të krimit të organizuar, korrupsionit, drogës dhe të të gjitha trafiqeve të mundshme.
Më në fund, i nderuar zotëri Bllaca, duke ju përshëndetur sinçerisht, ju përgëzoj për guximin qytetar që keni thënë dhe do ta thoni vetëm të vëtetën. I Madhi Zot të dhashtë forcë shpirtërore dhe fizike për t’i përballuar me sukses të gjitha vështirësitë që të dalin si pengesa për ndriçimin dhe zbulimin me fakte të të gjitha atyre rasteve (që din për to) kur SHIK-u i LPK- PDK-së i manipuloi ushtarët trima të UÇK-së, duke ju dhënë urdhëra për t’i vrarë atdhetarët dhe kundërshtarët politikë të pehlivanëve të Nanosit, e të ‘’fatosave’’ të Enverit dhe të bajraktarëve të ‘’farës ruse”.
Kriminelët qe dhanë urdhëra për ta shëmtuar Kosovën janë të humbur !
Përfundim i keq po i pret!
Më 24.05. 2012 Shefqet Jashari- Strofci
