Shefqet Jashari-STROFCI
Me krijimin e ngërçit politik nga PDK-ja dhe argatët e saj : Enver Hasani, Atifete Jahjaga dhe SHIK-u i Xhavit Halitit, analistë të ndryshëm, veprimtarë të dalluar, gazetarë dhe njohës të rrethanave që na sollën në këtë gjendje të mjerë, kanë dhënë mendime, kanë bërë analiza dhe propozime të ndryshme për daljen nga kjo situatë tejet e dëmshme për shtetin e Kosovës e qytetarët e saj, e në dobi të Serbisë dhe propogandes së saj antishqiptare, se ,,Shqiptarët nuk janë popull shtetformues!’’se ,, ,,Nuk dinë të bëjnë shtet ligjor’’ se ,,J anë hajna dhe kriminel, destabilizues të vendit të tyre dhe të regjionit’’. Etj…Me siguri presidenti i Serbisë nuk do të guxonte te deklaronte se ,,Shqiptarët për ta bërë shtetin normal u duhen shekuj’’, po të mos kishte argumente të forta nga veprimtaria antishqiptare dhe kriminele të qeverive të Fatos Nanos (që nga viti 1997 e deri më sot) dhe qeverive 1 dhe 2 të Thaçit.
Prej të gjitha propozimeve për daljen nga ky ngërç politik mendoj se duhet pranuar propozimin konkret të intelektualit të pavarur( pa parti) Seremb Gjergjit, i cili para dy javësh pat kërkuar nga lidereshipi i VLAN-it të hjekin dorë nga posti i Kryeparlamentarit (post ky që ia ,,bëri tapi’’ PDK-së Enver Hasani, me pionët e tij). Ndërsa postin e Kryeministrit ta ndajnë së bashku Isa Mustafa(në dy vitet e para ) dhe pastaj Ramush Hajradinaj,(pasi që zotëri Mustafa ta zëvendësoi Jahjagën), në dy vitet e fundit të mandatit të Qeverisë.
Po sa të hjekin dorë lidershipi i VLAN-it nga posti i Kryeparlamentarit, klika e Thaçit do të detyrohet( nga presioni i opinionit dhe ai ndërkombëtarë) ta thërrasin vazhdimin e Mbledhjes konstituive të Parlamentit, me çka do ta marrin postin e Kryeparlamentarit. Ndërsa Qeverinë do ta formonte VLAN-i pasi që i kanë votat e nevojshme për votëbesimin e Qeverisë së krijuar prej tyre.
Më në fund është kërkesë edhe e opinionit të gjerë, analistëve e gazetarëve të shumtë që kërkojnë nga lidershipi i VLAN-it, ta ç’bllokojnë bllokadën e PDK-së, për krijimin e institucioneve të Republikës së Kosovës, duke lanë anash interesa personale dhe partiake. Është momenti i fundit që Isa Mustafa dhe Ramush Hajradinaj së bashku me lidershipin e partive të tyre të tregohen largpamës të arsyeshëm dhe më shumë kombëtarë se sa partiak, duke e pranuar propozimin e zotëri Serembit, propozim ky që do ta detyronte PDK-në t’i hapi rrugën e formimit të institucioneve të Republikës së Kosovës. Jemi të bindur se Kryeparlamentari nga radhët e PDK-së nuk do të ketë mundësi ta pengonte Qeverinë e formuar prej VLAN-it në realizimin e objektivave të saja. Ndërsa për demokracinë evropiane do të jetë një risi dhe shembull unik, që opozita ta udhëheq njërin prej tri institucioneve kryesore të shtetit. Me këtë eksperiment ,,demokratik’’ne shqiptarët e gjorë do hyjmë në gara me ndërkombëtarët në ç’pikjen e eksperimenteve të llojllojshme të cilat edhe pse nuk po shkojnë në dobi të vendit dhe qytetarëve tanë, jemi të detyruar t’i pranojmë. Me një fjalë kësaj i thonë ,,Luje macë kryt e bullit!?.’’
Botuar: Bota sot, 06 .11. 2014
